Aste bizi-biziak izaten ari dira. Azken ukituak ematen ari gara gure ikuskizun berriari, publikoaren aurrean lehen aldiz taularatu aurretik. Entseguetako 5 aste. Egonaldiak Hernanin, Donostian (Kutxa Kultur Kluba) eta Zumaian. Horrez gain, ordu dezente eman ditugu Iñakiren lokalean, abestiei forma ematen. Urduri, nekatuta, pozik eta emaitza zuekin partekatzeko gogoz gaude. Aze koktela!
Azken asteetako une ezberdinak partekatu ditugu zuekin gure sare sozialen bitartez, instagram eta facebooken. Euren berri eduki nahi izanez gero, sartu bertan!
