SEX SUA!!!

Orain arte ez dizuegu ia ezer kontatu. Ikuskizun berri bat prestatzen ari ginela soilik. Abesti batzuk grabatu ditugula. Baina orain gure egitasmoari buruz hitz egiteko unea iritsi da. Ilusio handiz aurkezten dizuegu:

Sex Sua!!!

Sex Sua formatu txiki – ertaineko musikal bat da. Ligatzeko aplikazioen ondorioz sortzen ari diren harreman kode berriei buruz hitz egiten du ikuskizun honek. Aktore bakarrak (Andoni Mutiloa) hartzen du parte oholtza gainean, eta berarekin batera ilusio faltsuen bidean barneratuko gara, umorez eta dramaz betetako bidaia egiteko.

“Ligatzeko gogoz zabiltza, baina aplikazioekin ez zara ondo moldatzen? Bertako komunikazio kodeak ulertzeko zailtasunak dituzu? Eta app horiek erabiltzen hasi zarenetik zure antsietate mailak gora egin du? Galdera hauen erantzuna baiezkoa bada, ez kezkatu, zuk behar duzuna asmatu dudalako: ligatzeko aplikazioetan ez galtzeko gida, Atik Zra”.

Gehitu eta Mugen Gainetik elkarteen Harrotasunaren Antzerkia programaren babesari esker jarri dugu martxan egitasmo hau. Horrez gain, Donostia Kulturaren laguntza ere izan dugu, Poltsiko Antzerkiaren Jaialdian estreinatuko baitugu gure ikuskizuna. 4 emanaldi eskainiko ditugu jaialdiaren edizio berrian. Datak, hauek dira:

– Maiatzak 14, larunbata: Igeldoko ikastetxea, 19:30tan. (estreinaldia!)

– Maiatzak 15, igandea: Egia. Taba (Tabakalerako kafetegia), 19:00tan. * Adi, emanaldi hau Le Bukowskin zegoelako iragarrita hasiera batean, baina lekuz aldatu dute.

– Maiatzak 19, osteguna: Loiola. Ardube taberna, 19:00tan.

– Maiatzak 20, ostirala: Herrera, El Nido taberna, 20:00tan.

Donostiako Poltsiko Antzerkiari buruzko informazioa.

Eta opari bat: Hementxe duzue entzungai gure musikalari izena ematen dion kantua.

Gozatu!!!

Utzi iruzkina