Esnatu Naiz Kabareta

Elur Etxea: antzerkia, dantza, musika, ikus-entzunezkoak… eta bizipoza!

Sormena garatzeko espazioa

Elur Etxea gure benetako izaerarekin bat egiteko toki segurua da. Hemen, jolastea gustatzen zaigu. Jolasetik abiatuta, sortzea. Eta amesten dugun mundua errealitate bihurtzeko asmoa dugu.

Ametsetako Artista

Elur

Elur gure ametsetako artista da. Kabaretari lotsagabea. Ez du genero zehatzik. Ez du horren beharrik. Naturaren antzera eraldatzen doa: ur, lur eta elur. Eta gizakia ez ezik, animalia ere bada. Akerra. Bai, horixe da Elur: adarrak okerrak dituen akerra.

Media

Kabaretari lotsagabea

Kabareta

Esnatu Naiz

Esnatu Naiz antzerkia, dantza eta musika nahasten dituen ikuskizuna da. Identitatea, giza-harremanak eta sexualitatea ditu hizpide, besteak beste, baina batez ere, gure nortasunarekin bat egin eta aske bizitzeko gonbitea egiten digu.

Gehiago jakin Agenda

Hezkuntza

Sormen tailerra

Urte hauetan, bai kazetari eta irakasle lanetan aritzeak emandako esperientziak eta bai egindako ikastaro eta formakuntzetan bildutako ezagutzak eta bizipenak partekatzeko unea iritsi dela sentitu dut.

Sormen Tailer hau Gipuzkoako Aldundiak martxan jarritako Kultura Eskola programaren katalogoan aurki dezakezue.

Gehiago jakin

Elur Etxearen sortzailea

Andoni Mutiloa

Kazetari eta irakasle moduan egin du lan batez ere. 2017an, ordea, eszedentzia eskatu zuen Euskadi Irratian eta orduz geroztik sormenari merezitako lekua eskaintzen ari da bere egunerokoan. Horren emaitza da Esnatu Naiz kabareta.

Andoni Mutiloa - Elur Etxearen sortzailea
Gehiago jakin

Ibilbidea

Umea zela, Andonik argi zuen heldua izaterakoan aktore eta abeslari izan nahi zuela. Lehen urratsak dantzan eman zituen, Juanito Sanchizen eskolan. Nerabezaroan, berriz, Donostiako Eskola dantza taldean sartu zen eta ia 15 urte pasa zituen bertan.

Kazetaritza ikasi ondoren (Leioa, EHU), ETBko hainbat saiotan lan egin zuen erredaktore moduan. 2001etik 2007ra Gaztea Irratiko esataria izan zen. Bitartean, magisteritza ikasi zuen eta Gazteako lana utzi ostean, ikasturte bat eman zuen Boiseko (Idaho, AEBak) Ikastolan euskara irakasten. Euskal Herrira itzultzerakoan Euskadi Irratian lanean hasi zen eta Amarauna, Goizeko Izarra eta Kantu Kontari irratsaioetako erredaktorea eta aurkezlea izan zen 8 urtez.

Bien bitartean, bere denbora librean antzerkiari eta dantzari denbora gehiago eskaintzen hasi zen: dantza garaikidea eta kontakt inprobisazioko klaseak eta ikastaroak, Artedramak Aulestin antolatzen duen Antzerki Laborategia, Musikomeria…

2017an eszedentzia hartu zuen Euskadi Irratian, eta orduz geroztik sortzen dabil. Donostiako Poltsiko Antzerkiko deialdian finalista izan ostean, Esnatu Naiz izeneko kabareta estreinatu zuen 2020ko urtarrilean eta azken aldian emanaldiak eskaintzen dabil herriz-herri. Horrez gain, antzerkia, dantza, musika, performancea eta ikus-entzunezkoak lantzen dituen Elur Etxea sortu du. 2020ko udan, Eñaut Gaztañagarekin (Grises taldea) batera idatzi duen lehen kantua argitaratu du: Maitasunez Blai.

Azken albisteak

Hiruki: Andoni Mutiloaren musika proiektu berria

2022ko ekainak 22

Sex Sua musikala sortzerakoan, Andoni Mutiloak aspaldiko amets bat gauzatu du: berak idatzitako abestiak grabatzea. Eta kantu hauekin batera, bere musika proiekturik berriena ere aurkeztu digu: Hiruki. Azken urte hauetan arte eszenikoen munduan murgildu da kazetari eta sortzaile hernaniarra, eta horren adibide dugu Esnatu Naiz … Gehiago jakin →

Esnatu Naiz kabaretaren emanaldiak ikasleentzat

2022ko ekainak 3

Aste honetan, estreinakoz, DBHko ikasleei zuzendutako bi emanaldi eskaini ditugu Esnatu Naiz kabaretarekin. Gehitu eta Mugen Gainetik elkarteen Harrotasunaren Antzerkia programari esker antolatu ditugu emanaldi hauek. Horrez gain, Urnietako berdintasun sailaren laguntza ere izan dugu. Donostiako Ekintza ikastolan eta Urnietako Saroben izan gara. Erronka handia … Gehiago jakin →

Esnatu Naiz kabareta bueltan da!

2022ko maiatzak 22

Negu osoa lozorroan eman ondoren, Elur eta Peio prest daude hurrengo asteetan herriz-herri ibiltzeko. Gainera, agenda bete-betea dugu! Zizur Nagusia, Urnieta, Gaintza (Gipuzkoa), Mendaro, Irura, Zegama eta Ondarroa bisitatuko ditu Esnatu Naiz kabaretak. Horrez gain, ikasleei zuzendutako bi saio berezi eskainiko ditugu Donostian eta Urnietan. … Gehiago jakin →

Jarri harremanetan

info@elur.eus 655748789 655748789

Sare sozialak