Elur Etxea: antzerkia, dantza, musika, ikus-entzunezkoak… eta bizipoza!

Sormena garatzeko espazioa

Elur Etxea gure benetako izaerarekin bat egiteko toki segurua da. Hemen, jolastea gustatzen zaigu. Jolasetik abiatuta, sortzea. Eta amesten dugun mundua errealitate bihurtzeko asmoa dugu.

Musikala

Sex Sua

Ligatzeko aplikazioak gero eta gehiago erabiltzen ditugu. Komunikatzeko kode berriak sortzen ari gara. Baina osasuntsuak al dira harreman horiek? Zer eragin dute gure bizitzan eta gure auto-estimuan? Gai horri buruzko gogoeta egin nahi dugu Sex Suaren bitartez.

Sex Suako protagonistak

Kabareta

Esnatu Naiz

Esnatu Naiz antzerkia, dantza eta musika nahasten dituen ikuskizuna da. Identitatea, giza-harremanak eta sexualitatea ditu hizpide, besteak beste, baina batez ere, gure nortasunarekin bat egin eta aske bizitzeko gonbitea egiten digu.

Kabaretari lotsagabea

Hezkuntza

Ikasleentzako emanaldiak

Berez, publiko helduarentzat sortutako ikuskizunak dira Esnatu Naiz kabareta eta Sex Sua musikala. Baina nerabeek gogoeta egiteko aproposak direla jakitun, ikasleentzako emanaldiak eskaintzen hasi ginen 2022an; eta aurrerantzean ere generoa, sexu aniztasuna, kanon estetikoak, sare sozialen eragina eta giza harremanen inguruan hausnartzen jarraituko dugu, besteak beste, eurekin batera.

Hezkuntza

Sormen tailerra

Urte hauetan, bai kazetari eta irakasle lanetan aritzeak emandako esperientziak eta bai egindako ikastaro eta formakuntzetan bildutako ezagutzak eta bizipenak partekatzeko unea iritsi dela sentitu dut.

Nire esperientzia pertsonalean oinarritu naiz sormen tailerrak antolatzerakoan, eta batez ere, hitza (idatziz eta ahoz), mugimendua eta antzerkia nahasten ditut tailer hauetan.

Elur Etxearen sortzailea

Andoni Mutiloa

Kazetari eta irakasle moduan egin du lan batez ere. 2017an, ordea, eszedentzia eskatu zuen Euskadi Irratian eta orduz geroztik sormenari merezitako lekua eskaintzen ari da bere egunerokoan. Horren emaitza dira Esnatu Naiz kabareta (2020) eta Sex Sua musikala (2022).

Andoni Mutiloa - Elur Etxearen sortzailea
Gehiago jakin

Ibilbidea

Umea zela, Andonik argi zuen heldua izaterakoan aktore eta abeslari izan nahi zuela. Lehen urratsak dantzan eman zituen, Juanito Sanchizen eskolan. Nerabezaroan, berriz, Donostiako Eskola dantza taldean sartu zen eta ia 15 urte pasa zituen bertan.

Kazetaritza ikasi ondoren (Leioa, EHU), ETBko hainbat saiotan lan egin zuen erredaktore moduan. 2001etik 2007ra Gaztea Irratiko esataria izan zen. Bitartean, magisteritza ikasi zuen eta Gazteako lana utzi ostean, ikasturte bat eman zuen Boiseko (Idaho, AEBak) Ikastolan euskara irakasten. Euskal Herrira itzultzerakoan Euskadi Irratian lanean hasi zen eta Amarauna, Goizeko Izarra eta Kantu Kontari irratsaioetako erredaktorea eta aurkezlea izan zen 8 urtez.

Bien bitartean, bere denbora librean antzerkiari eta dantzari denbora gehiago eskaintzen hasi zen: dantza garaikidea eta kontakt inprobisazioko klaseak eta ikastaroak, Artedramak Aulestin antolatzen duen Antzerki Laborategia, Musikomeria

2017an eszedentzia hartu zuen Euskadi Irratian, eta orduz geroztik sortzen dabil. Donostiako Poltsiko Antzerkiko deialdian finalista izan ostean, Esnatu Naiz kabareta estreinatu zuen 2020an eta, orduz geroztik, 60 emanaldi baino gehiago eskaini ditu Euskal Herrian zehar. 2022an bere bigarren ikuskizuna sortu zuen: Sex Sua musikala. Eta, horrekin batera, bere musika proiektua aurkeztu digu: Hiruki.

Azken albisteak

Gora Poltsiko Antzerkia!

Orain bai, esateko moduan gara: ikuskizun berriaren sorkuntza prozesuan murgilduta gaude. “Gora Poltsiko Antzerkia!” izena du, kabareta izango da eta estreinaldia Donostian izango da. Bi emanaldi eskainiko ditugu: maiatzaren 17an (ostirala) eta maiatzaren 19an (igandea). Sarrerak doan. Informazio gehiago: https://www.donostiakultura.eus/eu/agenda/jaialdiak/poltsiko-antzerkia p.d.: Gustatu zaizue nire look … Gehiago jakin →

Kultura Eskola 2023-2024: milesker!

Kultura Eskola, Gipuzkoako Aldundiak kultura eskoletan txertatzeko asmoz martxan jarritako programa. Esnatu Naiz kabaretaren eta Sex Sua musikalaren 5 emanaldi eskaini ditugu ikasturte honetan: Errenteriako Orereta ikastola eta Koldo Mitxelena institutua, Tolosako Laskorain ikastola, Orioko herri ikastola eta Zumaiako institutua. Guztira, 500 ikasle baino gehiago. … Gehiago jakin →

75 + 25 = 100!

Esnatu Naiz kabareta estreinatzearekin batera, arte eszenikoen munduan buru-belarri sartu nintzen 2020an. Barruko inpultso bat jarraituz eman nituen lehen urrats horiek, zertan nenbilen eta noruntz nindoan jakin gabe; eta, konturatzerako, 100 emanaldi eskaini ditugu Esnatu Naiz kabareta (75) eta Sex Sua musikalarekin (25). Harrigarria. Sinestezina. … Gehiago jakin →